: Kúpa

Kúpa er fjölskyldumóðirin og elsti íbúi Tulipop. Hún er hinn raunverulegi skapari eyjunnar. Þegar neðansjávar eldfjall gaus fyrir þúsundum ára, kom Kúpa upp á yfirborðið með hrauninu og endaði á Skull Rock.

Kúpa plantaði Mr. Tree og gaf restinni af eyjunni líf. Hún er mjög forn og geymir minningar langt aftur í tímann. Hún elskar ljóð, menningu og listir og telur að hún hafi verið skáld í fyrra lífi, eða jafnvel sjóræningi en hún man það ekki alveg ... kannski bæði! Kúpa elskar alla meðlimi Tulipop fjölskyldunnar en hún er oftast beinskeitt og þurr á manninn og lætur sjaldnast tilfinningar sínar í ljós. Hún og Mr. Tree eru eins og gamalt par sem þrasar allan daginn. Hún er kaldhæðin með eindæmum og miskunnarlaus en lítur á alla íbúa Tulipop sem fjölskyldu sína.

Hún er mjög fróð en deilir vitneskju sinni ávallt á dulmáli, í formi gáta og ljóða, sem gerir allt sem hún segir leyndardómsfullt. Það er aðallega vegna þess að hún nýtur þess að fá athygli fyrir að vera dularfull, en líka vegna þess að hún er hrædd um að Tulipoppararnir munu gleyma henni.